Mohamed A.

أنا محمد عبدالمجيد، مصمم ثلاثي أبعاد متخصص في تصميم المنتجات والإضاءة والخامات. بدأ الموضوع عندي بفضول بسيط عن برنامج Blender اللي يقدر يعمل من أي فكرة سواء كانت مستحيلة او مجنونة صورة او فيديو و المبهر أنك أنت اللي بتعمل ده يدوي مش ذكاء أصطناعي، لكن مع الوقت اتحول لشغف حقيقي أخدت قرار إني أدي له وقتي ومجهودي كل يوم. بقعد ساعات كتير بتعلم و اصمم فوق الـ 10 ساعات مش علشان مضطر، لكن علشان بحب اللي بعمله وبحب إني أطور نفسي خطوة بخطوة

في آخر 3 شهور عملت أكتر من 100 مشروع، والتجربة دي خلتني أكتسب خبرة عملية كبيرة وأركز على التفاصيل اللي بتفرق في شغل الـ 3D. شغلي دايمًا بيركز على 3 محاور: النمذجة(تصميم يحاكي الواقع) النظيفة والواضحة، الإضاءة المدروسة، والخامات اللي تدي واقعية وإحساس بالمنتج

بجانب شغلي في التصميم، أنا بدرس إدارة أعمال في جامعة حلوان، وده ساعدني أتعلم إزاي أنظم وقتي وأرتب أولوياتي وأقيّم شغلي بشكل نقدي

أنا مؤمن إن الالتزام والجودة هما أساس أي شغل ناجح. بخلص اللي أبدأه، وباخد الملاحظات بجدية علشان أطلع في الآخر أفضل نسخة من المشروع بحاول أطور من نفسي كل يوم