يوسف ح.

السلام عليكم ورحمة الله وبركاته،

أنا يوسف حبيبة، مصمم مواقع إلكترونية باستخدام WordPress، ومهتم بمجال الذكاء الاصطناعي.

لو عندك فكرة مشروع أو خدمة وبتحاول تلاقي طريقة بسيطة ومحترفة تعرضها للناس، فأنا هنا علشان أساعدك تحول الفكرة دي لموقع يعبر عنك ويوصل صوتك صح.

اشتغلت مع أفراد وأصحاب مشاريع في مجالات مختلفة، وكل مرة كنت بحاول أفهم بالظبط العميل بيدور على إيه، وإزاي نقدر نخلّي الموقع أداة فعّالة تحقق أهدافه، من غير تعقيد ولا مصطلحات فنية صعبة.

فاهم قد إيه ممكن يكون الموضوع محير: تشتري استضافة؟ تختار تصميم؟ تربط الموقع بالسوشيال؟

كل التفاصيل دي أنا هأكون فيها معاك خطوة بخطوة، علشان في النهاية يبقى عندك موقع يعبر عنك فعلًا.

---

ليه مهم يكون عندك موقع إلكتروني؟

بيعرض خدماتك ومنتجاتك 24 ساعة

بيساعدك تكسب ثقة أكتر عند العملاء

بيزود فرص التواصل والمبيعات

بينظم المعلومات بشكل جذاب وسهل

الموقع ببساطة مش رفاهية، ده أداة أساسية لو عايز تكبر وتوصل لجمهورك بسهولة.

---

إيه اللي هقدر اقدمه لحضرتك ؟

تصميم موقع إلكتروني احترافي (صفحة واحدة أو أكتر حسب احتياجك)

متجاوب مع كل الأجهزة (موبايل – تابلت – كمبيوتر)

تعديل الألوان والخطوط بالشكل اللي يريحك

ربط الموقع بالسوشيال ميديا الخاصة بيك

إمكانية إضافة نموذج تواصل (Contact Form)

تأمين الموقع بشهادة SSL (لو متاحة من الاستضافة)

---

وأحب أطمنك إن كل موقع بشتغل عليه بيكون متفصل خصيصًا ليك، بناءً على نوع خدمتك وطبيعة جمهورك، علشان يعبر عنك ويشد انتباه عميلك المستهدف من أول نظرة.

أنا مصمم مواقع ووردبريس بخبرة عملية قوية، متخصص في تنفيذ مواقع إلكترونية عملية ومرتبة بالووردبريس، مع تركيز كامل على سهولة الاستخدام وتحقيق هدف الموقع (بيع / تواصل / حجز / عرض خدمات).

اشتغلت على مشاريع متنوعة مثل: متاجر إلكترونية (عطور وأثاث)، صفحات هبوط لمنتجات سعودية، مواقع مدارس ومنصات تعليمية، مواقع محامين، مواقع خدمية للنظافة العامة، دار تحفيظ قرآن، شركات سياحة، مساحات عمل (Workspaces)، مطاعم، مواقع مدرسين، وبورتفوليو لفوتوجرافر.

أكثر ما يميزني هو حل المشاكل بسرعة، الشرح للعميل بشكل واضح، الالتزام بالمواعيد، والصبر في المتابعة لحد ما كل شيء يشتغل بشكل مضبوط.

وبقدّم ضمن شغلي:

تحسين أساسيات SEO (ترتيب الصفحات، عناوين وميتا، سرعة وتجربة المستخدم)

دعم بعد التسليم + متابعة أي تعديلات ضرورية

ترشيح أفضل استضافة ودومين حسب احتياج المشروع (الشراء يكون من العميل وأنا بوجهه خطوة بخطوة)

أستخدم أدوات وإضافات احترافية مدفوعة مثل Elementor Pro و Astra Pro، وبوظّف أدوات الذكاء الاصطناعي في التخطيط وصناعة المحتوى وتحسين تجربة المستخدم مثل ChatGPT Pro و Gemini Pro.

أسلوبي في التعامل تقني واحترافي لكن في نفس الوقت ودود—بحب أحسّس العميل إننا في نفس الفريق، وهدفنا واحد: موقع قوي يطلع بالشكل اللي يليق بشغله.